الصبار للشعر تجربتي

الصبار للشعر تجربتي 

تجربة إحدى السيدات: 

شعري جاف وساعدني في ترطيبه، أجيب نبتته وآخذ الجل إلي داخل وأخلطه في الخلاط وبعدها أحطه على شعري كم ساعة وأغسله، ما استمريت عليه بكل صراحة بس عطاني لمعه وترطيب في الشعيرات، سبب الخلط لأن في البدايه يكون كأنه كتل متماسك (جل)، وممكن تضيفون زيت الخروع للفايدة. 

 

تجربة إحدى السيدات: 

انا احطه بعد الشاور نتفه يعني على الشعيرات كلها، وهو يعطي لمعة حلوة، وانا عرفته من تويتر شفت وحده تمدحه ومن زمان استعمله يعني مو قريب، بصراحة ما كثف شعري وكذا بس يعطي لمعة، واشتريته من ايهيرب. الصبار للشعر تجربتي. 

 

تجربة إحدى السيدات: 

استخدمه لكل شي بشرتي وراسي بس بتكلم الشعيرات، ‏وايد وايد فادني رطب شعري بشكل فضيع وصارت فيه حيوية ما صار يتشربك وكانت فيني قشرة وراحت بسببه، ‏احطه مرة او مرتين بالأسبوع على كل شعري واربطه واغسله بعد ساعة ونص الى ساعتين عادي ما يضر لو زادت المدة، ‏استخدم العادي اللي ينباع جاهز او الطبيعي زارعة منه فالبيت. الصبار للشعر تجربتي. 

وطبعا تزيد عالفوايد والنتيجة إذا زدت معه زيت الارغان، ‏ على طول ادهنه بكامل الشعر، وإذا بستخدمه بجانب زيت الارغان احط قطرتين بس فوق الجل بوعاء واخلطهم واحطهم ع الشعر، ‏مافي ملاحظات غير ان لا تستعجلين ع النتيجة من اول مرة يعني انا بانت وياي من ثالث مرة تقريبا ويختلف تأثيره من شخص للثاني طبعا. الصبار للشعر تجربتي. 

 

تجربة إحدى السيدات: 

شريت من وحده تصنع زيوت زيييت بذور الحلبة مستنبته بالالوفيرا واستخدمته لشعري وكان خرافي، كنت أعاني من تساقط والتقصف والجفاف رجع لشعري حيويته كل مره استخدمه يطلع أحلى من قبلها، فبحثت باليوتيوب عن طريقة استنبات بذور الحلبه وشفت هندية تسوي هالطريقه ولان كثير يسألوني شمسويه بشعرك وحطيت الطريقه عشان الكل يستفيد، ‏ثلاث مرات الي مرتين في الأسبوع فقط وينحط على الشعر اقل شئ ساعتين وانصح البنات فيه، مافيه ريحه حلبه ولا ريحه منفره ينحط بشكل مكثف على الشعيرات نفسها وتجدلين شعرك وتعيشين حياتك. الصبار للشعر تجربتي. 

 

تجربة إحدى السيدات: 

انا طريقتي اخذ الجل الصبارة واخلطه ويا عسل وزيت جوز الهند، واللي لاحظته كثافه وحيويه بشعري وخف التساقط، عرفته من يوتيبر اجنبيه استخدمه مره كل اسبوع وصار لي تقريباً أكثر من سنه اتركه على شعري من نص ساعة الى ساعة وبعدها اغسله، ‏وابدا ماتكلف سعر مكوناتها مايتعدا ٤٠ ريال، الاضافات هي عسل وجوز الهند باراشوت. الصبار للشعر تجربتي. 

 

تجربة إحدى السيدات: 

‏اي جربت الجل لمنابت الشعر والبيبي هير وفرق معايا كثير، ‏قبل الاستحمام بساعتين او ثلاث احط على شعري “زيت باراشوت + زيت زيتون + الجل” واخليه يبقى بشعري من ساعتين الى ثلاث، ثم اغسله في بلسم ثم شامبو، شعري كان متقصف وناشف ومنفوش شوي لكن من بعدها خفت النفشه وصار نازل وتمشيطه صار أسهل. الصبار للشعر تجربتي. 

 

تجربة إحدى السيدات: 

بشكل عام اهو مفيد لشعرك و البشره وكمان الحروق الله يكفينا شرها وبقلك كيف سويته لشعري، ‏قسمته ب النص وشلت اللي جوه وخلطته ب الخلاط صار زي الجل، ‏يعطي لمعه لشعري ويشيل القشر ويجفف شوي بس بعده حطي كريم عشان ما ينشف شعرك، كويس للي شعورهم تزيت دايم، ‏واما للبشره ع الوجه يشدها مره بس قوي ترا بذات اللي بشرتهم حساسه يعني اخلطي معاه نشأ أو لبان شحرى مطحون، ‏عن نفسي مو ملتزمه فيه مره بس اول ما جربته أعطاني نتيجه حلوه من اولها يعني. الصبار للشعر تجربتي. 

 

تجربة إحدى السيدات: 

شوفي ياقلبي النبته الطبيعيه لو عندك بالبيت تقطعين جزء منها وتغسلينها بس (بعدها تفركين فروه راسك فيها عشان السائل الي داخلها)، وتقدرين تاخذين الجاهزة من المواقع، ‏فوايده ( ينظف يشيل القشره كلها تنظيف عميق ويشيل الدهون والترسبات بالفروه ) ‏وباقي شعرك إذا كان طويل حطي اي زيوت عندك. الصبار للشعر تجربتي. 

سمسم او جوز الهند او الجرجير ايا كان مفيد للشعيرات، ‏انا أسوي جلسات بالصالون بس لان عندنا حظر جبت النبته بالبيت، وهو ‏مفيد حتى للوجه بس ما جربته والله، وانا قعدت عليه شهر واحد وقطتعه والحين برجع له، ‏بالصالون اخليه ساعة والخبيره الي بالصالون قالت مفيد لو تخلينه ساعتين او ثلاث، ‏ماشفت سلبيات لانه طبيعي ويجنن منعش، ويشيل الدهون والقشرة ويعطي شعرك لمعان. الصبار للشعر تجربتي.

 

تجربة إحدى السيدات:

اول شي هو غني عن التعريف مرره حلو لشعرك يعني يخفف من تطايره ويغذيه ويخفف التساقط مره ويعالج فروة الرأس وجوز الهند حرفياً مافي احد مايعرف كيف هو مفيد يغير الشعيرات مليون بالميه طبعاً انا استعملهم معا بعض احط جوز الهند في صحن وملعقتين كبار جل الصببااار واخلطهم واحطهم على الشعر واغطي شعري تماماً عشان يستفيد من الماسك اكثر، اقل شي احطه على شعري ساعتين بدون مبالغه جربت اسوي اشياء كثير بس هذي الطريقه اكثر شي استفدت منها ومن اول استعمال تلاحظين وانا استعمليها اسبوعين وفي الاسبوع مرتين بيتغير شعرك جذرياً ترطيب عمييييق من اول مره. الصبار للشعر تجربتي.

 

تجربة إحدى السيدات: 

مساء الخير، بصراحة افادني للبشره كثير من ناحية الترطيب وتخفيف الاثار بس ما استمريت عليه لشعري، ويمدحوا العضوي أكثر من المنتجات المصنعه وشفت تجارب كثير بس لسى ماجربت العضوي، يفيد الشعيرات من ناحية الترطيب وتخفيف النفشه وكمان يعطي لمعه جميله، ‏إن شاء الله افدتكم، وكمان ابحثي يوتيوب كثير يتكلموا عن تجاربهم مع جل الصصصباارر بس حطي في بالك ان النتيجه بتفرق من وحده للثانيه اعتماداً على مسامية شعرك ونوعه، بالتوفيق. الصبار للشعر تجربتي.