تجربتي مع حبوب ريتان

تجربتي مع حبوب ريتان 

تجربة إحدى السيدات: 

انا وحدة عانيت كثير من موضوع حب الشباب والله لدرجة مو طبيعية يعني من صغري لين ما وصل عمري 19 سنة! وانا جربت أشياء كثيرة ورحت عند دكاترة كثار ونفس النتيجة وفي يوم من الأيام امي خذتني معاها عند دكتورها وشافني وشاف وجهي وقالي شو رايك اعطيك هالدواء يصفي البشرة؟ وانا والله ما صدقت واخذته وحرفيا بدون مبالغة غير حياتي يعني صفى البشرة مرة وخلاني اطلع جميلة ومن زمان اعاني من هذا الموضوع والحمدلله تقريبا كملت أسبوعين راحو الحبات والكورس من 5 إلى 7 شهور والدواء شوي غالي ولازم تحاليل دم قبل لا تاخذونه يعني استشيرو الطبيب قبل. تجربتي مع حبوب ريتان. 

 

تجربة إحدى السيدات: 

أولا رأيي الشخصي انه هذا الدواء يشل الحبوب بشكل كبيير ويمسحها مسح بشكل نهائي الا عند البعض ترجع واحتمال لأنهم ما خلصوا الكورس حقهم واحيانا مسببات أخرى مثل الهرمونات، انا صراحة غلطت غلطة واضحة والمفروض ما كنت اسويها والي اهي اني اخذت الدواء بدون تحاليل دم والدهون والفحوصات الباقية الي لها تعلق في هذا المنتج والمفروض كنت اسويهم لأنهم ما ياخذون وقت أساسا. تجربتي مع حبوب ريتان. 

موضوع انه يناسبك المنتج او لا هالشي يحدده الدكتور عن طريق الفحوصات والتحاليل الي ذكرتها! بالنسبة لي استعملت الدواء على طول بدون دكتور او فحص او أي شي وندمت لأنه جاب لي نتيجة عكسية! وهذي كانت غلطتي، معنه تقريبا اغلب الي استخدموه يمدحونه وفعلا قريت كثير انه مفيد مرة والحين مسويه التحاليل المطلوبة انتظر النتائج وشكلي باخذه مرة ثانية بس خايفة من الي صار لي معني انا الغلطانة ولكن بعد متردده بس هو من ناحية انه مفيد فعلا مفيد لكن تجي معاه اعراض جفاف ولازم تكثرون من الماي وباقي الأمور يخبركم إياها الطبيب. تجربتي مع الروكتان. 

 

اضرار حبوب الريتان 

تجربة إحدى السيدات: 

هو صراحة له اضرار قوية بالنسبة للي ما يهتم يعني يصيبك جفاف في الجسم والشفة بشكل عام يعني لازم تكثرين مويه وتقدرين تحطين مرطب حسب توصية الدكتور وانا كملت تقريبا 4 إلى 5 شهور على هالمنتج وبعدين ما قدرت وتركته لأني حسيت انه أثر فيني كثير والفوايد كانت كالتالي! من تركته ما طلعت لي ولا حبة الحمدلله وهذا كان الهدف وتحقق، جرعاتي كانت 10 – 20 – 30 بشكل تدريجي إلى ان وقفته والحمدلله سعيدة بنتيجتي. 

 

حبوب الريتان والحمل 

تجربة إحدى السيدات: 

انا انصح الكل يستخدمه تحت اشراف الطبيب وهو فعلا مفيد جدا لكن حطوا في بالكم انه لازم تشربون ماء بكميات كبيرة جدا عشان الجفاف والشفة كنت احط عليها فازلين وقت النوم وحليت مشكلتها وانا أساسا بديت هالعلاج مو بسبب كثرة حبوبي لا، بسبب حبتين يطلعون لي وقت الدورة ومسببين ازمة ويعورون بشكل كبير!! واساسا كانوا مضايقيني، وكورسي كان 6 شهور والحمدلله النتايج ولا أروع. تجربتي مع حبوب ريتان. 

وحدة من قريباتي كانت تعاني بعد من البثور وبعد ما استخدمته صفى بشرتها وملاحظة ترا ما ينفع تاخذونه قبل الحمل بشهر او شهرين يمكن يسبب تشوهات يعني استشيروا الطبيب عن هالموضوع عشان سلامتكم وسلامة الجنين والله يرزقكم من فضله ويكتب لكم كل خير يارب ولا تنسوون تسوون تحاليل عند الطبيب قبل لا تبدون في العلاج عشان سلامتكم وتتاكدون إذا له قابلية على بشرتكم. تجربتي مع حبوب ريتان. 

 

دواء retane 

تجربة إحدى السيدات: 

انا مستمرة عليها تقريبا فترة خمس شهور والأمور تمام التمام ومرتاحة والبشرة صافية والتحاليل نتايجها حلوة وكنت اسويها كل شهرين لكن عندي مشكلة وحد بس والي هي لما تجيني الدورة تطلع لي حبتين ومقهورة من هالموضوع والخوف الأكبر مو هنا! أخاف ترجع البثور الأولية بعد العلاج ويارب ما تطلع لأنه يمكن اخذ كورس ثاني وسالفة طويلة جدا يارب يستمر الصفاء. تجربتي مع الروكتان. 

 

فوائد حبوب الريتان 

تجربة إحدى السيدات: 

بدون أي مبالغة انا اشوف هالعلاج الحل الأخير والانسب والأفضل بين كل العلاجات! انا اختي كانت تعاني بشكل ما تتصورونه والحبات في وجهها بشكل كبير وفوق هذا الحجم كان كبير واحيانا الحبة لها راسين يعني صدق معاناة وهي بنت مو ولد يعني الأولاد اهون بشوي! المهم جربت تتعالج في أماكن مختلفة ومنتجات طبية مختلفة لكن ما في أي فايدة ويوم من الأيام راحت عند دكتورة ووصفت لها هذا المنتج والله مسح البثور والآثار مسح!!! ما تم منهم شي وحلت المشكلة وبس وقت الدورة تطلع لها شوي لكن مو نفس قبل ابدا. تجربتي مع حبوب الروكتان. 

 

ريتان والحمل 

تجربة إحدى السيدات: 

حاولت كثير اني اخذ هالعلاج لكن دكتورتي رافضة تعطيني وتقول انه حالتي ما تستدعي ومن هالكلام وبعد الضرابة وياه قررت تزيد لي جرعة الاكرتين وحاليا انا ماشية عليها ولكن أربعة من صديقاتي مجربين هذا المنتج وإذا تبون تعرفون حالتهم تراها مرررة كويسة وبشرتهم صافية صافية بدون مبالغة يعني مفيد جدا ما شاء الله وانا كان ودي اخذه واخلص نفسي لكن ما عطوني إياه. تجربتي مع حبوب ريتان. 

ولكن كثير أطباء يحذرون الحوامل منه او المتزوجات لأنه راح يسبب تشوهات كثيرة للطفل وعيوب خلقية يعني احذروا كل الحذر وحتى سمعت عن الاكرتين انه يسبب مشاكل، يقولون بعد ما تخلصون كورس العلاج اقل شي تنتظرون 4 شهور او 6 بعدين تحملون عشان سلامة الطفل من أي مشاكل خلقية ممكن! بس حبيت انبهكم عشان سلامتكم والله يحفظ الجميع. 

 

تجربتي مع الروكتان والليزر 

تجربة إحدى السيدات: 

انا فشلت معاي اغلب العلاجات إذا مو كلها! وحبوبي غير يعني تسويلي أكياس دهنية وتسبب لي مشاكل كثيرة يعني مو شي طبيعي للأسف والحمدلله على كل حال، المهم ما فاد معي شي وبعدين قالي الدكتور عن هذا الدواء ومن هالكلام لكن قال ما ينفع نعطيك على طول يعني فيه فحوصات وتحاليل ومن هالكلام لأنه يمكن ما يصلح لك فوافقت وسويت الي قاله والحمدلله طلع مناسب لي وفرحت عشان اتخلص من هالمشكلة الي مسببة لي ازمة بصراحة. ريتان والليزر. 

بديت علاجي وحسيت ان البشرة تستوي جافة بشكل كبير وحتى الشفايف تتأثر ومن هالكلام ولكن استمريت عشان النتيجة، المهم بعدين كملت تقريبا 3 اشهر وعقبها خفف لي الجرعة ماعرف السبب لكن هذا كان علاجي ومعاهم وصف لي كريمات ومرطب للشفاه والحمدلله مشت الأمور وبعدين جلسات ليزر وصنفره والحين يا بنات كملت ثلاثة سنوات وما عندي حبات كبيرة ومرتاحة بشكل كبير والآثار جدا قليلة يعني مو نفس قبل واحيانا تطلع لي حبات لكن صغيرة مرة لكن مقارنة بالوضع السابق الحين افضل بمراحل وبس حبيت اشاركم الي حصل معي. تجربتي مع الروكتان. 

 

حبوب ريتان للبشرة 

تجربة إحدى السيدات: 

انا عانيت من حبات فيها صديد وكنت خايفة صراحة في البداية من العلاج بالمنتج هذا ولكن شجعني الدكتور وقال علاج جذري لمشكلتك وداخلي ومن هالكلام وبعدين اقتنعت لكنه نبهني ما في حمل وقت المعالجة وقلت تمام وبديت وكملت كورس كامل 6 شهور وبفضل الله سبحانه وتعالى ثم الدكتور والدواء بشرتي مرة صافية وتخلصت من المشاكل واشوفه علاج ممتاز ولكن لما تاخذونه لازم تهتمون بنفسكم. تجربتي مع الروكتان. 

 

حبوب ريتان لعلاج حب الشباب 

تجربة إحدى السيدات: 

والله يا بنات انا ما جربتها بنفسي ولكن تحمست اخذها بسبب بنات عمتي! يعني تبارك الرحمن بشرتهم حلوة وصافية وما فيها حب الشباب وصراحة سألتهم عشان بشرتي وقالولي انه من هالدواء ورحت للطبيب وحاولت معاه بشكل كبير لكن ما فاد لأنه ما رضى وبعدين عطاني مقشر وقال ارجعي بعد ثلاثة شهور وبرجع له بعدين لكن من ناحية انها مفيدة فعلا اشوفها مفيدة بشكل كبير للأمانة وان شاء الله خير والله يرزق الجميع بشرة حلوة. تجربتي مع حبوب ريتان.