تجربة إحدى السيدات:
اهلًا، وزني كان٥٦ صار٤١، ومافي فرق بينه العادي الا انه صحي أكثر ومافيه سعرات وأفضل العادي أكثر منه بصراحة وهو مو سبب نزول وزني الوحيد! اللي صار خففت سعراتي هو يعني من ضمن الاشياء اللي ساعدتني، شفته بالنت هنا واستخدمه من فوق ال٦ شهور تقريبًا ومن البدايه طعمه جيد يعني ما فيه طعم سيئ او فرق بينه وبين العادي، استخدمه بكل شيء حلويات مشروبات وبعض الاكلات، ويساعد وصحي اضيفه لأكلي وانا متطمنه انه ما يضرني او يزيد وزني، وبرضو امي عندها سكري احاول اعودها عليه قد ما أقدر.
تجربة إحدى السيدات:
عرفت عنه من زمان ماذكر من وين بالضبط وكل ماسوي دايت اغير اكلي كله مو بس السكريات وينزل وزني ويا الاكل الصحي والرياضه مو بس عشاني غيرت السكريات، وطعمه حلو ويا الكوفي والشاي صراحه يحلي وايد مرات احسه يحلي أكثر من العادي يعني ظرف يكفي الكوب وزيادة، طبعا نزل وزني بس مافي اضرار بالنسبه لي، والله شوفي يقولون انه طبيعي ومايحفز الانسولين وأحس عادي لو استمر عليه فتره طويله شو المشكله.
بالنسبه لي كنت بس احط ظرف ع كوب شاي او قهوة بس ماستخدمته ف اشيا ثانيه بس في ناس يسوون منه سويتات واشيااء ثانيه مثل الكيك والخبز والحلويات بشكل عام.
تجربة إحدى السيدات:
اخذته على مدح قبل سنه وانا استخدمه ونزولي مستمر بالنزول ماعاق نزولي وتحليته مناسبه ليي وحالياً ما استخدم اي نوع غيره فقط اهوو، وماله دخل يساهم في نزول الوزن لازم رياضه ونضام صحي معاه اهو مساعد للابتعاد عن الابيض الضار واشوفه بديل مفيد أكيد، اشوفه مهم لتحسين الصحة والابتعاد عن الأبيض.
اقرأ أيضا: تجربتي مع الميلاتونين
تجربة إحدى السيدات:
انا استغنيت عن الابيض وصار هو البديل احطه داخل الشاي او الحليب واخذ قطعتين باليوم واحد صباح وقت الفطور وواحد بعد وجبة الغدا، عن نزول الوزن اكيد بينزل لان اساسا أسوي دايت، طريقة استخدامه تحط شاي بماء مطار بعدين اضيف ملعقه وحده وأحركه، ومن رأيي مره حلو للامانه وأفضل بديل، وعرفت عنه من النت.
اعتقد ينزل الوزن بس مو اكيد الا إذا اكلك كان شيء صحي، وصراحة ما سبب لي اي اضرار، تقريبا لي الحين ٥ شهور عليه يوميا ما كل الا هو وتاركه العادي.
تجربة إحدى السيدات:
انا مرة احبو دا المنتج من زمان وانا استخدمو والله ماادري من متى ابويا كان يستخدمه واخذت منو يعني، بالنسبة لنزول الوزن ما اعرف لاني انا ماخذتو كعادة يعني مو لنزول وزني وحتى لمن ابي أسوي دايت يعني هوا أساساً يكون ضمن روتيني العادي.
ما استخدم العادي ابداً الا إذا مثلاً بسوي حلى او اضطريت أنى استخدمه لكن مجملاً استخدام هذا المنتج البديل ولي سنين طويله عليه وما شفت منه اي ضرر او مرض بالعكس ارتاح وانا استخدمه وانصح فيه لأن فعلاً يغني عن الابيض العادي وبكميات جداً بسيطة بعض احيان انا ما استخدم الا نص الظرف بالنسبة لزيادة الوزن فا وزني يزيد من اشياء ثانية لكن أبداً ما اظن من هذا المنتج.
تجربة إحدى السيدات:
استخدمه كبديل للعادي ولا صار يعجبني كثير لانه حالي شوي اما استخدامي كان عادي احطه ويا القهوة او الشاي اما بالنسبه انه فادني بتنزيل وزني فمقدر اجاوبكم لاني مسويه دايت كامل وهذا جزء منه كمحاولة لقطع العادي، مارح أقدر افيدكم من ناحية الوزن انه يفيد او لا هو مجرد بديل للأبيض واستعمالي له فتره طويله يعني من شهور تقريبا مو سنوات اما وين عرفتها ف هو معروف ودايم الحسابات المهتمه بالصحه والدايت تنصح فيه.
تجربة أحد الرجال:
بالنسبة لهذا المنتج اشوفه مفيد جداً جداً بس للاسف مانزل وزني بعد استعماله، اول فايدة هو انه يسهل عملية الإخراج الله يعزك، يعني ينفع للي يعاني من الإمساك، لأنه في بداية استخدام يسبب إسهال خفيف بس عادي بعد الاستمرار عليه يتعود جسمك عليه، واحسن مافيه انه توفير، شي قليل منه يكفي للشاي او القهوة التركية او الحلويات، ولا تنسى انه بدون سعرات حرارية.