تخطى إلى المحتوى

تجربتي مع سيروم فيتامين سي للوجة

    تجربة إحدى السيدات: 

    اليوم بكلمكم عن موضوع بشرتي وشو صار فيها وكيف تحسنت وإلى اخره، انا صار لي ثمانية أشهر والدة ومن وقتها والبشرة في نزول مستمر بالشكل يعني صايرة ما تنشاف للأمانة وانا صراحة حاولت اهتم واسوي كثير لها لكن ماشي نتيجة وبعدين كنت ابحث وكذا ولقيت مقطع أجنبي بيوتيوب يمدح لي السيييروم كلارنس دبل وعاد يقولون من تجاربهم انه مفيد ومميز للبشرة ومن هالكلام وانا بصراحة صدقتهم وقلت ما وراي شي يعني الاهتمام والعناية ما فادتني خلني أجرب الي يقولون عنه.

    المهم بديت ابحث عن هالموضوع ولقيت عليه مديح كثير وقررت خلاص راح أسوي الي يقولونه، ورحت سيفورا كذا مرة ودايما ما القى المنتج الي ابيه ولدرجة الموظفة خذت رقمي عشان تتصل فيني وقت وصول المنتجات وبعد شهرين تقريبا مريتهم بالصدفة وعلى بالي غرض ثاني مو هذا المهم والا تشوفني وتقول لي انه متوفر وعلى طول خذته وكنت فرحانة بصراحة لانه دايما يخلص بسرعة، وهو وظيفته كلية تقريبا من شد وتصغير المسام وتجديد خلايا البشرة يعني مفيد جدا.

    ومعروف عنه انه يناسب تقريبا جميع البشرات والاعمار فوق الثلاثين حسب معرفتي وهو له حوالي 22 تركيبة نباتية مفيدة ونادرة لبشرتك وقوامه يكون زيتي ولكن مشكلته الوحيدة وهي كبيرة بالنسبة لبعض الناس اهو سعره! جدا غالي ويكلف حوالي 522 ريال للحجم الكبير والصغير حوالي 450 ريال! على العموم استخدمته لمدة أسبوعين ولكن ما شفت منه أي نتيجة او فايدة واستغربت ان الكل يمدحه ومن هالكلام وقلت يمكن انا قاعدة أسوي شي غلط.

    على العموم بعدين تواصلت ويا وحدة من الخوات على انستقرام عشان توضح لي إذا كنت اغلط في شي وقت الاستخدام ومن هذا الكلام المهم وخبرتها طريقتي وقالت لي غلط، الطريقة الصحيحة هي تضغطين مرتين على راحة يدك من المنتج وبعدين تحركينه بالاصبع لين تحسينه دفى وثم تحطين منه على الجهتين من وجهك بالطبطبة وبحركات شد البشرة الين ما توصلين عند اذنك وتكون مرة في الليل.

    مثل ما قلت في البداية البشرة كانت عندي معدومة وتعبانة ولكن بعد ما اتبعت الي قالت لي عليه تبارك الله التحسن ما كان عادي لا بالعكس حسيته وصل للمرحلة النهائية من التحسن! لهذي الدرجة فرقت معاي الطريقة الحمدلله، يعني بعد ما تستخدمين غسولك وتحطين التونر وينشف هالوقت حطي وبإذن الله امورك سليمة وأتمنى ان الموضوع افادكم جميعا ويارب ييسر اموركم.

    توضيح بسيط للي ما فهم الطريقة، يعني نحط شوي على الخد ونمسحها بعدين بالطبطبة يعني كأنك تضربين نفسك كفوف خفيفة وتشدين شوي على البشرة وتوزيع الكريم للمناطق المطلوبة وإذا بشرتك حساسة استشيري قبل لا تستخدمين منتج ثاني معاه للترطيب ويقولون الاستخدام المطول مش زين ويحتمل فيه اضرار، أتمنى الشرح كان واضح ومفهوم والله يوفق الجميع وبإذن الله ينفع للكل وتشوفون نتايج بأقرب وقت ورسالتي بعيد عن موضوع المنتج انه لازم نتعلم طريقة استخدام المنتجات قبل ما نشتريها من الأساس وبإذن الله نشوف نتيجة طيبة.

    تجربة إحدى السيدات: 

    بالنسبة لي جربته بصراحة وكانت المدة شهرين وشفت تحسن لكن مو كبير، وكان التحسن لا صفاء او بياض بس البشرة صارت رطبة وأحيانا بهالوضعية تكون أفضل بكثير من الجافة والي ممكن تتقشر وتتجعد، المهم بعد فترة فكرت وقلت بستخدم معاه شي وفكرت في كريم الليل وفعلا استخدمتهم ويا بعض والفارق بينهم كان حوالي ساعتين يعني السيريوم اخليه اول شي وبعدين ذاك المنتج وللأسف النتيجة كانت سيئة وطلعت لي حبوب في وجهي وندمت.

     

    تجربة إحدى السيدات: 

    عن نفسي استخدمت سروم ريكسول بجانب واقي شمس وكريمات اكلين واستمريت عليهم لين الأسبوع الي راح ووجهي كان مرة مقشرة واحمرار واضح ومن هالكلام وكنت خايفة كثير لأنه بشرة البنت مهمة جدا المهم اليوم وانا قاعدة في دوامي كلموني البنات ومدحوا بشرتي وقالوا متحسنة بشكل كبير وإلى الان حبيت النتيجة ولكن خايفة لأني سمعت كلام انه ممكن يرقق بشرتك والله اعلم، بإذن الله خير.

     

    تجربة إحدى السيدات: 

    انا رحت للدكتورة واشكيلها عن بشرتي ومن هذي المشاكل وبعدين قالت لي بعطيك سيريوم اسمه سيتيريكس اعتقد المهم استخدمته ومرت الأيام واقولكم الصدق سبب لي احمرار!! وهو على أساس جيد للنضارة والله اعلم يعني ممكن فعلا اهوا جيد ومفيد ولكن تأثيره مختلف من بشرتي لبشرة ثانية! على العموم قلت بشارككم الي اعرفه يمكن أحد منكم يستفيد ودايما استشيروا الطبيب قبل ما تبدون.

     

    تجربة إحدى السيدات: 

    بالنسبة لي استعمل هالمنتج لكن من ريجوفي واشتريه من الصيدليات المهم جميل جميل جدااا! يعني انا مرتاحة معاه بشكل كبير وهو آمن الحمدلله وهذا عادي ينحط حوالين العين والبشرة لأنه ثنين في واحد حسب علمي وانا استخدم معاه مرطب مفتح بعد وهو من نفس الماركة ودايما أحس البشرة عندي نضرة ومشدودة ومنعشة الحمدلله، لكن اشوف الأفضل نستخدم معاه مرطب يعني بعد ما نحطه لأنه أحيانا يسبب جفاف وما انصح الي بشرتها حساسة تستخدم نفس هالمنتجات الا بعد ما تستشير خبير جلدية عشان ما تأذي نفسها.

     

    تجربة إحدى السيدات: 

    يا بنات انا ماعرف عنه ولا استخدمته بس بصراحة اعرف ناس يعني اشوفهم وكذا، يستخدمونه وما شاء الله تبارك الله بشرتهم حلوة كثير، وانا ما أقول استخدموه واكيد ينفع لكم لكن أوصل لكم الي شايفته وانا اشوف أفضل شي تروحون لأستشارية جلدية وتقيم لكم الوضع وتفحص بشرتكم وتقولكم إذا زين لكم او شين بدل لا تجربون على أنفسكم عاد حرام لا راحت البشرة أحيانا صعب ترجع نفس قبل والله يوفق الجميع.

     

    اقرأ أيضا: تجربتي مع نقص المغنيسيوم

     

    تجربة إحدى السيدات: 

    انا مجربته واستعملت نوع ريكسول وصراحة وايد وايد عيبني وشفته مفيد ولكن في شي لازم تعرفونه حسيت يجفف البشرة يعني لازم ترطبون بعدها! انا ما اخذته كذا من مزاجي لا، تواصلت ويا دكتورة وشافت حالة بشرتي ووصفته لي والحمدلله اموري تمام يعني لو تروحون وتسألون دكاتركم عنه أفضل لأنه أنواع وراح يوصوفون الأفضل لكم حاولوا تتحركون وتتفيجون شوي وبإذن الله راح يوصلكم الأفضل. 

     

    تجربة إحدى السيدات: 

    انا استعمل نوعية سوسكن والحمدلله أحس بشرتي ممتازة معاه واموري طيبة وما سبب لي مشاكل لكن بعدين قلت بغير وبجرب شي ثاني للعلم سوسكن خلصت منه 3 علب! المهم رحت وخذت ريكسول وبعد فترة حسيت ما عجبني وتوهقت فيه فرميته في الدرج ولا طبيته مرة ثانية يعني انصح بالي ذكرته اول شيء وعاد كل بشرة يصلح لها شي معين وأفضل طريقة نعرف عن نوع بشرتنا وأي سييييروم يصلح لها هو لما نزور الدكتور وانتوا أدرى.