تخطى إلى المحتوى

تجربتي مع سيروم فيتامين سي للوجه

    تجربة إحدى السيدات: 

    بكلمكم عن خبرتي معاه وانا أفضل نوعية ريكسول وقبل كل شي بقولكم رأيي عن هاي النوعية صراحة اشوفها مرة ممتازة وحلوة وعاجبتني حيل بس لاحظت انها تجفف البشرة فيعني يبالها ترطيب بعدين، لكن بصراحة انا ما استعملها بدون سبب يعني انا زرت الطبيبة واستشرتها وقالت لي يفضل اخذها ومن هالنصايح وجربتها وفرحانة فيها وايد يعني الحمدلله شايفه نتيجة حلوة ودايما استشيروا عشان يشوفون وش الأنسب لبشرتكم.

    تجربة إحدى السيدات: 

    انا موضوعي شوي طويل تحملوني والي تبي الخلاصة تحاول تقرا بسرعة وفي النهاية راح تلقى الي تبيه على العموم خلونا نبدا، انا كملت 8 أشهر تقريبا من ولادتي ومن ذاك الوقت والبشرة عندي تعبانة وشكلها يوم عن يوم يصير اسوء ومعني أحاول اهتم واسوي واعدل وأرتب لكن بدون فايدة المهم بعدين كنت ادور في النت ولقيت مقاطع للجمال ومن هالسوالف وشفتهم ينصحون بالسيريوم كلارنس دبل ويذكرون تجاربهم وانه وايد حلو وكذا وقلت خلاص بجرب لأني تعبت بدون نتيجة مع باقي المنتجات.

    لما قررت اخذه وأطبق كلامهم رحت سيفورا وروحتي كانت أكثر عن مرة ولكن للأسف ما لقيت الي ابيه ودايما يقولون لي مخلص وبعدين اتفقت مع الموظفة وعطيتها طريقة للتواصل بينا عشان تخبرني اول بأول اذا وصل المنتج على العموم بعد تقريبا 60 يوم كنت رايحه اخذ أغراض ثانية ومريت عليهم بالصدفة والمفاجأة الحلوة ان الموظفة شافتني وقالت الي كنتي تدورين عليها موجود!! بدون تردد اخذته على طول وكانوا حجمين واسعارهم متفاوتة من 450 إلى 522 ريال.

    المهم شريته وانا عرفت عنه معلومات مثلا انه يجدد خلايا البشرة ويصغر مسامها ويشدها وهو حسب معرفتي يناسب الي عمارهم ثلاثين وفوق ومناسب تقريبا لجميع أنواع البشرة ومحتواه من 22 تركيبة نباتية مفيدة ونادرة والقوام زيتي للي ودها تعرف وطبعا إذا بنتكلم عن مشاكل ما في غير سعره الكبير! المهم يا خواتي استخدمته لمدة 60 يوم تقريبا وما كانت فيه نتيجة إيجابية والغريب انه كثار يمدحونه وبعدين قلت اكيد انا ما اعرف طريقة استعماله.

    رحت سألت وحدة من تطبيق انستقرام لأنها فاهمة فيه المهم قالت لي طريقتك غير صحيحة وانتي لازم تستعملينه بشكل صحيح عشان تشوفين نتيجة طيبة وبعدين علمتني وكانت الطريقة هي “الطبطبة”، اول شي نحط الكريم في كف اليد ونحركه بالاصابع لين نحس انه دفى وبعدين نحط المنتج على الفيس وما نمسحه مرة وحدة لا، نقعد نمسح بطريقة بطيئة شوي وبالطبطبة يعني كأنك تضربين نفسك كفوف خفيفة وتشدين بشرتك لين ما توصلين لأذانك وتكون مرة في الليل.

    انا قلت لكم فوق ان وجهي كان معدوم بسبب الولادة والتعب ولكن بعد ما سويت الي قالت لي عليه واستخدمت هالمنتج بشكل صحيح صراحة وجهي تغير 180 درجة وصار مرة حلو وحسيت خلاص ماشي تحسن أفضل عن هذا! الحمدلله فادني وأتمنى يفيدكم ويارب كلامي واضح والشرح سهل وبعيده مرة ثانية لكم، نحطه على الكف ونحرك شوي بالصبع لين نحسه دفى وبعدين نطبطب على الخدود وعلى ورا لين الاذن ونحن نطبطب نحاول نشد البشرة شوي.

    تجربة إحدى السيدات: 

    انا كملت معاه حوالي الشهرين وكان في تحسين يعني لكن مش ذاك الزود يعني ما في بياض أو صفاء بس حسيت بشرتي صايرة رطبة وحسيتها أحسن عن الجافة، المهم بعدين فكرت قلت بستخدم معاها شي عشان تطلع نتيجة أحسن من قبل ولكن للأسف طلعت لي حبوب واستعملت معاها كريم الليل وحطيته بعد المنتج تقريبا بساعتين، وهاي كانت تجاربي معاه وإن شاءالله استفدتوا منها. 

    اقرأ أيضا: تجربتي مع نقص المغنيسيوم

    تجربة إحدى السيدات: 

    مادري عن الباقين بس انا استعمل نوع ريكسول واضيف معاها كريمات اكلين وقعدوا معاي 7 أيام وتقشر الوجه عندي وصار احمر مرة المهم خفت كثير لأن هذا اهم شي شكليا عندنا وكنت احاتي بس لما داومت وشافوني البنات وقالوا ما شاء الله البشرة عندك صايرة حلوة ومتحسنة وبعدها تطمنت ولكن سمعت كلام بعد انه ممكن يرقق بشرتي ورجعت خايفة والله اعلم إذا هذا الكلام صحيح او لا.

    مقالات متعلقة:

    فاكهة التنين للوجه

    تجربتي مع الشاي الاخضر للوجه

    كريم اكرتين للوجه

    تجربتي مع لبان الذكر للوجه

    تجربة إحدى السيدات: 

    يمكن اهو مفيد لوايد بنات بس ماعتقد للكل يعني رحت للدكتورة ووصفت لي نوعية سيتيريكس او شي كذا المهم واستعملته وبعد مرور الوقت سبب لي احمرار! وانا ماخذته على أساس للنضارة ومن هالكلام المهم قلت بشارككم الي صار معي لعلى وعسى أحد يستفيد وأتمنى تستشيرون دكتورة فاهمة قبل لا تاخذون أي شي ولو عليه مديح يمكن بشرتكم ما يصلح لها هذا الشيء او راح يسبب لها تهيج ومشاكل.

    تجربة إحدى السيدات: 

    انا اخذ ريجوفي والي تبي تعرف من وين اشتريه غالبا الصيدليات مادري إذا في دولكم يبيعونهم في أماكن محددة، على العموم عاجبني وايد وايد ومرة حلوة لبشرتي والي اخذه يصلح ينحط حوالين عيني ووجهي كامل تقريبا واستعمل وياه مرطب حق التفتيح ومن نفس الماركة والحمدلله شاد وجهي وأحس بنضارة وإنعاش بس لما تاخذونه أسالو وين نقدر نحطه ووين لا عشان ما تضرون أنفسكم.

    تجربة إحدى السيدات: 

    هو حلو وممتاز وله نتايج روعة وعشان أكون صريحة انا ما استعملته أساسا ولكن اعرف ناس يستعملونه وبشرتهم جميلة والنتايج جميلة جدا، وما اقصد يصلح لكم الله اعلم بس أقول الي شفته عشان افيدكم والي تبيه تروح للدكتورة وتستشيرها واكيد راح تخبرها إذا يصلح لبشرتها أو ما يصلح وبإذن الله خير ولا تنسون تسألون عن الطريقة لأن الاستخدام ممكن يفرق في النتيجة الله يوفقكم ويحفظكم.

    تجربة إحدى السيدات: 

    انا كنت استخدم شي معين وبعدين قلت بجرب سيريوم نوعية ثانية وفعلا اتجهت لريكسول وصراحة ابدا ما عجبني وما خلصته وللحين موجود عندي ولا استعمله والقبلي كان سوسكن وخلصت منه 3 علبات! وأحبه وايد وفادني وبشرتي كانت حلوة وايد يعني انتبهوا يمكن في أنواع تصلح لكم وفي أنواع ثانية ما تصلح لكم او تفيدكم والأفضل تروحون لخبير جلدية او دكتور يعطيكم الأكيد بدل لا تجربون على وجيهكم وممكن يصيبكم شيء، على العموم الله يوفقكم ويارب تطلع لكم نتايج حلوة وجميلة.

     اطلعي أيضا على: تجربتي مع نقص فيتامين ب 12

    ملاحظة: 

    جميع هذه التجارب حقيقية 100% ولكن اتباعها لا يعني بالضرورة ان تحصل على نفس النتيجة فنوع البشرة يختلف من شخص إلى آخر ويفضل عدم اتباع جميع النصائح دون التواصل مع الطبيب وذلك حفاظا على صحتكم وسلامتكم، ويمكنكم شراء هذه المنتجات عبر الانترنت في مواقع عديدة كل ما عليكم هو كتابتها في محرك البحث قوقل وبإذن الله ستجدون العديد من المواقع التي توفرها لكم وبأسعار مختلفة.