تقليل الوزن

تجربة إحدى السيدات:  انا جربت الخلطة هذي حوالي اسبوعين لكن مو كلها على الريق! يعني اول اسبوع كنت اشرب على الريق اما الاسبوع الثاني اشربها قبل النوم والصباح اشرب ماي دافي! وللأمانة الكرشة خفت كثير لدرجة ان زوجي لاحظ وعلق عليها وسألته يعني التخفيف كثير قال حوالي 80 بالمية! وانا بالنسبة لي اشوفها مبالغة احس حوالي 50 بالمية لكن مو متأكدة هل من هذا المشروب ولا اشياء ثانية؟ لأني اسوي رياضة يوميا نص ساعة إلى ساعة واشرب ماي بالخل احيانا إذا اكلت وجبات دسمة واحيانا احط كوب الشاهي حقي ليمون وزنجبيل.   تجربة إحدى السيدات:  انا استمريت على هذي الخلطة كل صباح وبأمانة نزلت بشكل غير طبيعي وصل وزمي 47 كيلو وكل هذا كان بدون رجيم او دايت وحتى ما كنت احاسب على اكلي وبصراحة وقفته لأن لاحظت استمرار في نزول الوزن وخلاص وقفت.    تجربة إحدى السيدات:  انا في البداية قرأت في احد المواقع ان هذا المشروب اذا تاخذينه كل صباح على الريق راح يخفف من وزنك وفعلا بديت اخذه وعشان الطعم اضفت ليمون ولكن للأمانة ما شفت أي تغيير من ناحية الوزن لكن كملت اخذه لأنه رفع مناعتي وطلعت نتيجة ثانية وهي كبر الصدر! معني كنت في وقت الحمل وسألت الدكتور وقال من الحمل لكن مو اول مرة احمل وفي وحدة كتبت تجربتها وانه كبر صدرها وهي ما كانت حامل اساسا على العموم حبيت افيدكم.   تجربة احد الرجال:  في موضوع ما يستحضرني اسمه ولكن وحدة كانت تتكلم عن خالها وانه مشى على هذي الطريقة وكل صباح ياخذ هذا المشروب وفعلا نزل كثير جدا وانا عن نفسي ما جربت لكن هذا حسب كلامها والله اعلم.    تجربة إحدى السيدات:  انا عن نفسي جربته والحمدلله فعلا نفعني وشفت الفرق من اول اسبوع! يمكن استجابة الجسم عندي اسرع الله اعلم المهم هو اساسا حق “الكرش” ووصفتي كانت كالتالي، كوب من الموية المغلية ونضيف لها ملعقة عسل وعصير نصف ليمونة، اتمنى يفيدكم وهذي التجربة الي مريت فيها.   تجربة إحدى السيدات:  يا جماعة انا جربت هذي الوصفة تقريبا لمدة اسبوع وبعدها تركتها وللأمانة مادري ضعفت او متنت لأني ما شفت اساسا، المهم بعد فترة رجعت لها واضفت عليها القرفة وخل التفاح والنتيجة كانت عكسية متنت وانفتحت شهيتي وكان بسبب القرفة! وراح ارجع اجرب المشروب بدون إضافات ولكن في دكتور اسمه مصطفى ساري قال ان الاعسال تمتن ما تضعف وهذا والله اعلم.   تجربة إحدى السيدات:  انا وخواتي جربناه واعطيكم الاكيد هو ما يضعف صراحة وما يمتن ولكن فوائده كثيرة جدا لو استمريتوا عليه لمدة اسبوع او اكثر يعني البشرة تتحسن وإذا ودكم تجربون خذوه وقت الدورة وشوفوا الفرق لهذي الدرجة نافعني انا واخواتي.    تجربة إحدى السيدات:  انا جربته على الريق لمدة اسبوعين تقريبا يعني 14 يوم وفعلا احس الكرشة خفت كثيرا وهو اساسا يمشي البطن يمكن هذا السبب وحتى القولون عندي خف… اقرأ المزيد »تجربتي مع الماء والعسل للتنحيف