مقشر اكرتين

مقشر اكرتين  هو أحد أكثر أدوية العناية بالبشرة فعالية في السوق، ويستخدمه ملايين الأشخاص لعلاج حب الشباب والوقاية منه، والحد من ظهور التجاعيد والحفاظ على بشرة أكثر صحة… اقرأ المزيد »مقشر اكرتين

تجربتي مع كريم اكرتين للمنطقه الحساسة

تجربتي مع كريم اكرتين للمنطقه الحساسة  تجربة إحدى السيدات:  اليوم بعطيكم تجربتي مع كريم اكرتين للمنطقة الحساسة مع إضافات ثانية ولازم تطبقون النصايح والارشادات بشكل دقيق عشان تتجنبون أي تأثيرات جانبية وسلبية على بشرتكم واتمنى تركزون وياي.  في البداية طبعا نشل شعر المنطقة الحساسة بحلاوة او موس حسب الرغبة ما في مشكلة وبعدين تستخدمون فيوسيدين مرتين في اليوم بعد موضوع الحف ليومين وعقبها تبدون في الجدول الي بعطيكم اياه.  اخذو علبة وحطوا فيها نص سائل علبة آسكينول خيار مجفف (ESKINOL NATURALS – CUCUMBER FACIAL CLEANSER) والنصف الثاني تحطون فيه موية ورد أي نوع يناسبكم ما في مشكلة والسبب لأن المنتج الاول اسكينول يحرق بزيادة وموية الورد راح تساعد في موضوع الحرقان واساسا هي تساعد على التفتيح وبالطريقة هاي نسرع عملية التفتيح.  بعدين نحطه على قطنة ونمسح بلطف على المناطق المطلوبة ورجاءا انتبهوا لا يدخل السائل داخل… وبعدها خلاص ننتظره يجف وبعد ما يجف نحط كريم اكرتين بتركيز %0.025! (Acretin – jamjoom pharma) ناخذ كمية قليلة جدا ونمسحها بالتساوي في المناطق هذي يعني الفخذ والاشفار الخارجية وفي المناطق العلوية فقط وعقبها ننتظر عشر دقايق بدون لا نلبس الشورت، بعدين نلبس شورت قطني.  في نقطة مهمة جدا ودي انبه عليها انه وقت العلاج لا تلبسون “كلوت” ابد بس شورت قطني والاحسن انه يكون مشدود والسبب عشان يثبت الافخاذ وما تضرب ببعض او تحك ببعض وهذي مشكلة منتشرة عند اغلب الناس، والمنتج تحطونه من 3 ساعات إلى 4 ويفضل ما يقعد فترة طويلة والاحسن في ينحط في غرفة ضوءها خافت والاهم ما يتعرض لأشعة الشمس.  السبب لأن الفيتامين أ راح يتكسر مع ضوء الشمس وفوقها اساسا راح يصير الجلد اسود اكثر بعض التعرض لأشعة الشمس، المهم بعدين نغسله بموية وقت ما ودنا نشله ولازم موية بس لا غير وبعدين نمسح عليه ماء ورد ونرطبه بمرطب ترطيبه قوي وغير عطري او ملون وعندكم اختيار جيد مثل ليبوبيز (Lipobase – KREM).  خلو الترطيب مرتين في اليوم ويفضل ترطبونه كل 4 ساعات لأن راح يكون فيه جفاف وراح يحرق مناطقكم وراح تسود اكثر وطبعا نبي نتفادى هالشي بالترطيب وتقريبا في وقت العصر حطو كريم ترميمي ومرطب خاص في التسلخات والجروح اسمه بانثينول.  إذا شعرتو ان طلعت لكم جروح او نزل دم وغالبا هذي الامور ما تحصل إذا كنتوا ترطبون وغالبا الي راح تمشي على خطة الترطيب ما راح يجيها شي بإذن الله لكن لو جاء، اخلطوا بانثينول مع فيوسيدين (Fucidin Cream – L E O) بكمية متساوية، وامسحوه مرتين في اليوم وفوقها كريم الترطيب.  في نقطة مهمة وضرورية لازم تعرفونها! المنطقة الحساسة لازم تتهوى اثناء استخدام الطريقة يعني اقل شي تهونها مرتين او ثلاثة مرات في اليوم! يعني اقلعوا الشورت القطني واقعدوا في الغرفة نصف ساعة او ساعة حسب الرغبة لأن الكتمة ما تناسبها ابدا.  إذا في منطقة بدأت تتقشر لا تحطون عليها كريم اكرتين للتقشير او اي مقشر على العكس حطوا عليها كريم ترميمي في الليل والمناطق الي ما تقشرت حطوا عليها منتج مقشر! ولا تستخدمون الاسكينول اذا في المناطق المقشرة بس مسحة بقطن في الاماكن الي ما تقشرت، ولا تستخدمون صابون وغسول وممنوع فرك ودعك المناطق الي شغاله عليها! لا ليفة لا سنفرة.  وطبيعي بعد كل دورة راح تحسون ان المنطقة غمقت فارجعوا كرروا العملية لمدة 3 ايام وراح ترجع نفس قبل! والي استمرت ووصلت للنتيجة تبيها وابيضت المنطقة ترطبها دايما عشان تحافظ على التفتيح وكل 3 اسابيع ارجعوا استخدموا التقشير لمدة 3 ايام، والسبب بسيط عشان نمنع السواد ونحافظ على البياض الي اكتسبناه، واكرر مرة ثانية لأهمية الشيء الترطيب اثناء وبعد استخدام المقشر امر مهم جدا! لأنه راح يحافظ على النتيجة باذن الله، ولا تنسون الشورت القطني لأنه راح يأثر على البياض وإذا تركتوه احتمال يرجع السواد. … اقرأ المزيد »تجربتي مع كريم اكرتين للمنطقه الحساسة