تجربة أحد الرجال:
السلام عليكم ورحمة الله وبركاته، يا اخواني انا جربت هذا المنتج والحمدلله نفع معاي ومو بدرجة بسيطة لا، بالعكس الحبوب انمسحوا مسح من ويهي وانا اخذته لأن أخوي الكبير اخذه ونصحني فيه ولازم تاخذه عن طريق الطبيب وحاول تقنعه ممكن يعطيك وهو مفيد جدا لكن لما تاخذه لازم تشرب ماي وايد لأنه ممكن يؤثر على الكلى ويسبب جفاف! يعني خذ معك مطارة ماي وين ما تروح واشرب ومن ناحية النتائج لا تحاتي راح تشوف نتيجة حلوة خلال كم شهر وانا كان باقيلي شهر او شهرين ما كملتهم لأن وصلت للنتيجة الي ابيها والحين ويهي صافي والعلاج كان قبل سنوات، وفيه تحليل ضروري قبل لا يعطيك الدواء.
قد يهمك: حبوب الروكتان
تجربة إحدى السيدات:
انا عانيت من موضوع الحبوب مثل أي بنت وكان ودي اتخلص منها وطبعا في البداية جربت الخلطات والكريمات وما في نتيجة والي في وجهي كانوا كبار مو حبات صغيرة وخصوصا قريب الدورة! المهم سمعت عن هذا المنتج من البنات وقررت اجربه وفعلا توكلت على رب العالمين وخذته من عند الدكتورة! اول شهرين حسيت فيني جفاف مو طبيعي والنتيجة مو لهناك وفي الثالث على اخر أسبوع النتيجة وضحت وشفت تغيير واضح وانا باقيلي 3 شهور إلى الان ما خلصتهم لكن نتيجته صارت واضحة وهو في مخاطر مثلا لازم تشربون مويه كثير ولا راح يسبب مشاكل للكلى ولو تقروون عنه قبل لا تاخذونه أفضل، ولازم يسوون لك تحليل قبل لا يعطونك إياه.
تجربتي مع روكتان
تجربة إحدى السيدات:
انا ما حبيت هذي الحبوب ابدا! يعني عانيت كثير وانا اخذها كملت 5 شهور تقريبا ووجهي صفى مرة الحمدلله لكن بعدها بشهر رجعوا مرة ثانية!!! والمعروف انه خلال اول 3 سنوات بعد الدواء ما راح يجي شي في وجهك وانا من اول شهر وسبب زعلي لأني عانيت كثير منه مثلا جفاف العيون والانف ونزيف في الانف والم في العظام وهو له خطر على الكلى واساسا اول ما تاخذينه لازم تحليل ومواعيد يعني تعبت معاه وفي النهاية مو النتيجة الي ابيها! لكن يمكن يفرق من جسم لجسم الله اعلم على العموم هذا الي صار معاي.
اقرأ ايضا: تجربتي مع الروكتان بالتفصيل
تجربة إحدى السيدات:
انا الي صار معي جدا سيء!! وما انصح فيه ابدا ابدا! يعني تعبت كثير وحتى نفسيتي تغيرت وصارت اسوء واسوء وكثرت الحبوب الي في وجهي وخصوصا في منطقة الذقن وحسيت النتيجة كانت عكسية! وانا طول حياتي ما طلعت لي حبوب هالكثر! ومن كثر التعب اغلب وقتي اقضيه في النوم وإلى اليوم اعاني من آثار الحبات الي طلعت لي وهذا انا كملت 8 أشهر من رميت الدواء وأحس جسمي متكسر مالي خلق وهذا بعيد عن مشكلة العصبية على الأمور التافهه، بأمانة ما انصح أحد فيها ويمكن جسمي ما تقبلها.
تجربتي مع حبوب الروكتان
تجربة إحدى السيدات:
نفعتني كثيير هذي الحبوب وصارت بشرتي صاافية مرة الحمدلله يعني اشوفها تنفع صراحة ولكن المشكلة في المدة يعني في ناس ما عاد ترجع لهم البثور وفي ناس على طول بعد فترة ترجع وانا منهم يعني كملت سنة ورجعت وبعدها رحت للدكتورة اشكي لها عن الموضوع وقالت لي بسيطة وبكتب لك الدواء مرة ثانية ومن هالكلام وبأمانة رفضت لأني سمعت كثرته ممكن تسبب مشكلة للكلى والحين امشي اموري بالكريمات والغسول وهذي الأمور والحمدلله على كل حال.
قد يهمك: اضرار الروكتان
تجربة إحدى السيدات:
انا نفس الموضوع! بداية اموري كانت طيبة وكملت 3 اشهر وشفت نتيجة وصفاء وصراحة احس عن خساير الكريمات وهالامور الي ما منها فايدة وتشوفين نتيجتها بالموت ولكن المشكلة الي صارت معاي ان بعد 6 شهور او اكثر رجع وجهي نفس قبل والحين افكر ارجع اخذ الحبوب يعني يمكن الوضع يتحسن نفس قبل الله اعلم لكن صراحة فيه نتايج حلوة يعني انصح فيه، وفي ذاك الوقت كانت فيني دهون في الوجه بشكل مو طبيعي وخفت كثير كثير، ويمكن سبب رجوع البثور اني ما كملت العلاج يعني 3 اشهر ووقفت.
روكتان تجربتي
تجربة إحدى السيدات:
انا اخذته قبل سنوات طويلة وبذكر لكم الي صار معي، خذته تقريبا في أشهر وإذا تبون تعرفون النتيجة! كثيييير حلوة والله البشرة صارت صافية مرة والحبوب اختفت وبس ترجع وقت الدورة وتكون حبتين صغاااار مرة عكس قبل الدواء تطلعي حوالي العشرة وبعدة احجام!! لكن الحين الحمدلله مرتاحة بفضل الله ثم هذي الحبات وانصحكم فيها ولكن زورو الطبيبة اول شي لأنه لازم تسوون تحاليل.
تجربة إحدى السيدات:
كملت عليه فترة طويلة تقريبا سنة وشي والنتايج كانت حلوة يعني صدق تنشاف ولكن بعد فترة سنة تقريبا رجعت لي وأكثر وحسيت كانها أكياس دهنية ومن هالكلام والي يا في بالي صراحة ان هذا حل مؤقت ومو دايم، وما انصح فيه للي يبي حل دايم وانصح تستعملون دوف البيضاء للجسم وهو مفيد جدا ونصحني فيه الدكتور وهذا الي نصحني فيه الدكتور لا يشوه اجنة ولا يسبب جفاف ومشاكله شبه معدومة وتستخدمونه مدى الحياة وبإذن الله نتيجته حلوة.
اقرأ ايضا: تجربتي مع الروكتان والحمل
تجاربكم مع الروكتان
تجربة إحدى السيدات:
استخدمت هالحبوب قبل والحمدلله جابت نتيجة حلوة وواضحة ورجعت البشرة صافية كانها حقت طفل! يعني تتعبون خمس اشهر مع الكورس وبعدين ترتاحون مرة وانا صراحة انصح فيه ولكن لازم تروحون للدكتورة عشان التحاليل والأمور هذي بس عشان سلامتكم وجاهزيتكم للدواء ويارب الله يفرج همكم ويخلصكم من موضوع الحبوب صراحة ازمة بالنسبة لنا، وصح حتى أيام الدورة تطلع لي حبة وتختفي بعد العلاج مو نفس قبل.
تجربة إحدى السيدات:
بالنسبة لي ممتازة وروعة وانصح الكل فيها والي يقول انها تسبب جفاف ونزيف ومشاكل آلام هذا لأنك تأخذينها على بطن فاضي يعني جوعانة! والي رجعت له الحبوب غالبا السبب انه ما كمل كورس كامل يعني خمس شهور واقل وسحب على الكورس يعني كملوا العلاج وبتشوفون شي جميل ومو بس انا حتى صديقاتي وقريباتي مجربين وعجبتهم النتيجة ويارب تنفع معاكم وتصفى البشرة وتصير جميلة مرة.
حبوب الروكتان تجربتي
تجربة إحدى السيدات:
والله انا اشوفه شي مميز جدا جدا! ويخلصك من مشاكل البشرة ويصفيها لك وطبعا يوم تستخدمينه لازم تحطين مرطبات لأنه يجفف ولازم تكثرين من شرب الماء والحمدلله النتيجة تكون ولا أروع!! والي سبب لها مشاكل في المعدة أتوقع اخذته على معدة فارغة واي شي يؤخذ هالوقت يسبب مشاكل لمعدتك، وإذا رجعت لك الحبوب مرة ثانية يعني لازم تاخذين الادوية مرة ثانية ولكن وين المشكلة دامها تجيب نتيجة.
انا استخدمتها لمدة شهرين والحمدلله نتايج ولا أروع انا كانت تطلع لي حبوب عند الذقن بشكل مستمر والحمدلله اختفت وكنت اخذ جرعة 20 ملغ وفادتني وقالي الدكتور انه الاغلب تفيدهم هذي الجرعة وبعد فترة زاد الجرعة إلى 30 ملغ والحمدلله الأمور زي الفل ولو اضطريت ارجع اخذه مرة ثانية بعد سنتين او ثلاث ما عندي مشكلة ويمنع الحمل أثناء العلاج بشكل قطعي لسلامة الطفل، أتمنى خبرتي افادتكم خواتي والله يوفق الكل ويفرج همهم ويرزقهم ما يتمنون.
اقرأ ايضا: روكتان حبوب
تجربة إحدى السيدات:
اعرف ناس كثيره استعملته وما رجعت لهم الحبوب وكملوا تقريبا فوق الست سنوات والحمدلله النتيجة من أحلى ما يكون، الي ترجع يمكن عنده مشكلة صحية ولو يروح للطبيب ويفحص أفضل ويمكن بسبب الدهون ومن هالكلام وانا الي اعرفه انه الحبة تؤخذ بعد الاكل عشان الامتصاص يكون أحسن وهذا الله اعلم، يعني في هالموضوع نستشير الطبيب أفضل لكن من ناحية انه مفيد فهو فعلا مفيد جدا وأتمنى انكم تستفيدون جميعا والله يوفق الكل.